JUGICE meetup - Mið. 1.jún.2011

Næsti hittingur verður 1.júní, í Hugsmiðjunni að Snorrabraut 56, kl. 18.00 - Léttar veitingar verða í boði hússins.

Dagskráin verður sem hér segir (allavega í áttina að þessu):

Ég byrja á að segja nokkur orð, um það sem á daga mína hefur drifið frá síðasta fundi, þá sérstaklega með tilliti til fundar sem ég fór á nýlega í Prag.

Bjarni Rúnar (@herraBre) kynnir fyrir okkur pageKite.
Einhverjir hafa eflaust séð kynninguna hans á þessu sniðuga forriti annarstaðar, en það hefur nýtst mér og mörgum öðrum einstaklega vel.

Ólafur Gauti (@ogglog) kynnir fyrir okkur play framework (playframework.com)
Þetta er líklega það umhverfi sem er að fá mest umtal þessa dagana, þykir ótrúlega smooth en Ólafur hefur góða reynslu af því að nota það.

Kristinn og Ágúst frá Quantcell.com ætla að fjalla um functional programming, og stjórna umræðum í kjölfarið.

Framhald fundarins ræðst svo af þátttöku og mætingu að einhverju leiti, en hugmyndir eru um að hafa annað hvort eða bæði:

- Unconference, þar sem 2-3 mál eru rædd, við byrjum á því að gefa mönnum kost á að skrá málefni á þar til gerða töflu, og svo kjósum við um þau málefni sem við viljum ræða, og gefum hverju þeirra 15 mín (eða svo).

- "Lightning-talks" sem eru 4 mínútna fyrirlestrar um hvað sem er, sem ykkur þykir áhugavert eða langar til að segja frá, innan skynsemismarka. Við munum reyna að fá fyllt í 6-12 slot, af svona ör-fyrirlestrum.

Ég vona að allir leggji höfuðið í bleyti og kanni hvort þeim langi ekki til að segja frá einhverju sniðugu í þessu samhengi,eða hvort þeir hafi málefni sem þá langar til að ræða í Unconference.

Vinsamlegast látið vita með því að commenta á þráðinn á linkedin.com hvort þið hyggjist koma (en þið eruð auðvitað velkomin þó þið gleymið því).

Sjáumst hress!
-reynir


ps. if you like a translation of this text to English, please let me know and I'll translate it for you!!